Nuannaarutigalugu nalunaarutigerusupparput Comby Hawk Infinity-lu pilersaarusiorluakkamik suleqatigiilermata. Hawk Infinity Norge-mi aningaasaliinissamut piginneqatigiiffiupput skandinaviami suliffeqarfiit software-nik aammalu IT-mik sulialinnik ukkatallit. Suleqatigiinnerup suli ineriartornissatsinnut pissanganaqisumik naqissusiivoq.
Hawk Infinity suliffeqarfiit piginneqataasunit aqunneqartunik siunissaq ungasinnerusoq eqqarsaatigalugu aningaasaliisartutut ilisimaneqarput, suliffeqarfinnut pilersitsisuinullu tapersersuisutut piffissami killiligaanngitsumi. Suliffeqarfiit aqutsisunit suli aqunneqarnissaat salliutippaat. Hawk Infinity-p Comby aqutsisuisa tapersersornissaat suleqatiginissaallu suliassarivaa, taassumalu Comby suli ineriartornissaanik periarfissiissaaq.
Piffissami qaninnermi naatsorsuutigaarput Hawk-ip paasisimanninnerata tapersersuineratalu suli pitsaanernik aaliangiinissarput piviusunngortissagaa pilersaarusiareriikkattalu sukkanermik angunissai aamma. Piffissami ungasinnermi misilittagaat attaveqarfiilu atorluarnissaat qilanaarivarput suli Comby ineriartortinnissaanut alliartortinnissaanullu. Tunngavik pitsaasoq anguniagarlu ersarissoq pigalugit siunissamut suli nukissaqarnerulluta appakaappugut.
Pingaaruteqarpoq erseqqissassallugu Hawk Infinitily suleqatigiilernerpu suleqatigiinnerput sullissinigullu allannguiffiginavianngimmagu. Sullissinigut, aqutsisugut, suleqatigut, sinaakkutigut, naleqartitagut suleriaaserpullu allanngornavianngillat. Suli tunniusimalluta IT-mi aaqqissuussimanersi ajornartorsiuteqanngitsumik ingerlanissaa sulissutigissavarput, ajunngitsumik angusaqarluartumillu, taamaasillusi suliffeqarfissi ineriartortinnissaanut aallussisinnaaniassagassi.
Suleqatigiinneq aktianik paarlaqatigiinnermik pilersinneqarpoq, Hawk Comby-mi piginneqataalerluni, Comby-milu aktianik piginnittut Hawk-imi aktianik pigisaqalerlutik. Taamak aaqqissuussimanerup qulakkiissavaa tamanut Comby ineriartortinnissaanut suli soqutigisaqarneq.
“Suleqatigiinneq una nuannaarutigeqaarput” Stefan Boel Comby-mi direktørimut tullersorti oqarpoq. “Misilittagaat takorluugaallu uagut angorusutatsinnut tulluaqqissaarput, qilanaaqaagullu ataatsimut annertuunik angusaqarnissatsinnut.”
Suleqatigiilerneq pillugu paasisaqarnerorusukkuit nittartagaq hawkinfinity.com alakkarsinnaavat.
Inussiarnersumik
Comby A/S
