Comby A/S -miit Suliffeqarfinnut Internetti

Suliffeqarfiit pisariaqartitaat tamarmik assigiinngitsuupput, taamaammat tunisassianik pisariaqartitanut assigiinngitsunoortuusunik pilersitsivugut. Tunisassiaatitta pisinniarfiaqqaniit, sanasunut suliffeqarfiillu angisoorsuarnut sulisorpassualinnut sumiiffippassuarnilu assigiinngitsuni allaffilinnut tulluarsagaallutik pilersitaapput.

Soorunalimi nammineerlutit aaliangissavat tunisassiaq sunarpiaq atorusunnerlugu, suliffeqarfivit annertussusaa apeqqutaatinngikkaluarlugu.

 

Suliffeqarfiit minnerit

Suliffeqarfiit minnerit (sulisut 1-10) ataatsimik allaffeqarfillit  sumiiffimmi servereqanngitsut. Internetti pingaarnertut dankort terminalenut, PC-nut allaffimmiittunut kiisalu cloud-imi atortunut assersuutigalugu Office 365-nut atugassaavoq.

Tunisassiaq IP adressemik aaliangersimasuusumik ataatsimik ilanngullugu sullitamut tunniunneqassaaq.

Suliffeqarfiit akunnattut

Suliffeqarfiit minnerit akunnattullu (sulisut 10-30) sumiiffimmi serverilinnut. Internetti attaviullu piginnaasaa suliffeqarfiup ingerlannissaanut pingaaruteqarput. Internetti pingaarnertut serverinut attaveqarnissamut suliffeqarfiullu PC-vi internettimut attaveqarnissaanut atugassaavoq.

Tunisassiaq IP adressinik pingasunik aaliangersimasuusunik ilanngullugit sullitamut tunniunneqassaaq, taamaasilluni assersuutigalugu mailserveri internettemiit attaveqarfigineqarsinnaassalluni.

Suliffeqarfiit angisuut

Suliffeqarfinnut angisuunut suliffeqarfinnulluunniit sumiiffinni arlalippassuarniittuusuni (sulisut 30-4000, netværk-i annertooq) immikkut tulluarsakkamik attavinnik 500/500 tikillugu sukkassusilinnik arlalippassuarnullu sumiiffinnut agguarsinnaasunik inernerusunik neqeroorutinik sanasarpugut.

Tunisassiaq atorfissaqartitarpiatit ilanngullugit tunniunneqassaaq suliffeqarfivit iluani pitsaanerpaamik ingerlasussanngorlugu.

Soqutiginnippit apeqqutissaqarpilluunniit? Taava tuniniaasugut pikkorissut attavigikkit, sullissinissaminnut piareersimapput.

Tunisassiat ilassutit

Suliffeqarfiit sullitagut tunisassianik pitsaanerpaanik qulakkeernissaanut kiisalu Suliffeqarfinnut Internettip pitsaanerpaamik atorluarsinnaanissaanut tunisassianik ilassutaasunik sisamanik neqeroorpugut.

Firewall

Internettimi inunnit ajorniartunit uloriasaarutit annertoorujussuupput sulilu imminut illersornissaq ajornarsigaluttuinnarluni. Suliffeqarfiup Firewall-lia tassaavoq illersuut siulleq taamaammallu maanna pingaarnerulernikuuvoq Firewall pitsaanerpaanissaata qulakkeernissaa. Qanorpiaq ikkussuussimaneraniit tamatigut patch-ernera iluamik isumagisimanissaanut.

Wi-Fi

Smartphones atortullu allat wifi taamaallaat aqqutigalugu netværkimut attavinitartut peqqutaallutik suliffeqarfiup ingerlannissaanut wifi pinngitsoorneqarsinnaajunnaarnikuuvoq. Hackerit tamanna aamma ilisimalluarpaat, taamaammallu wifi aqqutigalugu suliffeqarfiit netværk-iinut isertarlutik. Taamaammat suliffeqarfiup wifi-a iluamik ikkussuunneqarsimanngippat suliffeqarfiup netværk-ia tamarmi eqqugaasinnaavoq.

Firewall-it wifi-nullu atortut ullutsinni eqqortumik isumannaatsumillu aaqqissuunnissaat piuminaassinnaaput patch-illu siammarterneqartartut amerliartoraluttuinnarlutik. Tamanna suliffeqarfiit amerlanerpaat IT-lerisuinut unamminarpoq malinnaaniarfigissallugu. Taamaammat Comby tunisassiamik pilersitsivoq marluusillugit ajornanngitsunngortillugillu isumannaatsuutinnissaata qulakkeernissaanut.

Comby-p neqeroorutigaa tunisassiaq Comby Firewall aamma Wi-Fi. Tamanna Cisco firewall aamma Cisco Wi-Fi atorlugit sanaajuvoq tunisassiallu firewall kiisalu wifi isumannaatsuunissaanut qulakkeerinninnissamut atortunik tamanik ilaqarluni.

  • Firewall AP-lik
  • Tunngaviusumik nakkutiginninneq
  • Incident Management
  • Change Management (akiliilluni allanngortinneqarsinnaavoq)
  • Patch Management
  • Ingerlatsinermi pilersaarutaasumik nalunaarsuineq

Pitsaanerpaaffiup nassaarinissaa

Suliffeqarfinni tamani atortorpasuit assigiinngitsut internettimik atuisuupput sulisullu aamma internetti assigiinngitsorpassuarnut atortarpaat. Taamaammat ilaanni attavik "tattoqittarpoq". Tamanna pisinnaavoq assersuutigalugu atortut arlalippassuit software nutarternerini saniatigullu PC ataaseq arlallilluunniit streamerippata.

Tamanna pinaveersaarneqasinnaavoq atuinerit suuneri tulleriissaarneratigut taamaasillunilu assersuutigalug iphone nutarternerani attaviup piginnaasaa office 365-miit nunguutinnissaata aaliangiunneratigut.

Comby-p attavia

Suliffeqarfik arlalinnik sumiiffeqarpat taakkualu attavilerneqassappata Comby isumannaatsumik tunisassiamik neqeroorpoq. Sukkassutsit 1 Gbit/s tikillugu tungaanut pineqarsinnaapput suliffeqarfiit amerlanerpaat atorfissaqartitaat qulakkeerlugit. Attavigut tamarmik isumannaatsuupput matoqqasuullutillu.

Angerlarsimaffimmi attaviit aammalu VPN

Piffissat suliffiit allanngorartuni angerlarsimaffimmilu sulisinnaanissami pisariaqakkajuppoq sulisut angerlarsimaffimmit suliffeqarfimmut attaveqarsinnaanissaat. Taamaammat Comby tunisassianik marlunnik 30 Mbit/s-iusunik neqeroorpoq. Aappaata upload-ia 2 Mbit/s-iuvoq aappaatalu upload-ia 30 Mbit/s-iulluni sulisup upload-erinissaq atorfissaqartissappagu pisinnaallugu. Sulisut ilaasa aamma suliffeqarfiup server-ii applikation-illu atukkat toqqaannaq attaveqarfigisinnaanissai atorfissaqartittarpaat, taamaammat periarfissaavoq VPN atorlugu attaveqarsinnaanissamik pisinissaq.

Akit

Suliffeqarfiit minnerit

Attaviup pisinnaasaa

Akia

Pitsaanerpaaffissaa

50/50

2.999

360

70/70

3.999

480

100/100

7.999

960

Suliffeqarfiit akunnattut

Attaviup pisinnaasaa

Akia

Pitsaanerpaaffissaa

50/50

4.925

591

70/70

6.444

773

100/100

9.822

1.173

Angerlarsimaaffimmi attaviit

Attaviup pisinnaasaa

Akia

VPN

30/2

1.150

250

30/30

1.950

250

Netværk iluani tunisassiat

Firewall

AP standard

AP sakkortooq

AP silami

550

285

445

430