Comby A/S 2000-mi pilersinneqarpoq pioreersunik unammillerusussuseq pitsaanerusumillu sullissinissamik tunuliaqutaqarluni.
Aallaqqaataaniilli Kalaallit Nunaanni aallaaveqarpugut 2020-milu Slagelse-mi Danmarkimi immikkoortortaqarfipput ammarparput. Tassanngaanniit Danmarkimi sullissilluta.
Ullumi pisortanut, suliffeqarfinnut sullitanullu ataasiakkaanut IT-mi aaqqiissutit, ingerlatsineq sullissinerlu neqeroorutigaagut. Sullissinerit naleqartitatsinnit aallaaveqarput ukuusunit: tatiginassuseq, pitsaassuseq, pimoorussineq ataqqinninnerlu.
Upperaarput IT aatsaat naleqalersitsisartoq atorfissaqartitamisut ingerlagaangat.
Comby-mi taamaammat toraartumik suliniutigaarput sullitagut qulakkeerumallugit:
Teknikerigut siunnersortigullu Kalaallit Nunaanni Danmarkimilu suleqatigiilluarput, taamaasilluta sullitaq sumiikkaluarpalluunniit assigiimmik pitsaassusilimmik sullissinnaajuaannarparput.
Comby A/S Brian Torp-imit 2002-mi pilersinneqarpoq pitsaanerusumik periuseqarnissaq angorusullugu. Taamaammat Comby Nuummi allaffilik pilersinneqarpoq, suliffeqarfik 100%-mik nunatsinneersunit pigineqartoq.
Sivitsunngitsoq Comby aamma A-Team ataatsimuulerput taamaasillunilu IT-mik sullissisoq piginnaasaqarluartoq pilersinneqarluni.
Suliffeqarfik patajaatsumik alliartorpoq 2009-milu Comby-p Sermit pisiarivaa, ullumilu Comby ilisimasarput ilusinikkiartorluni.
2024-mi CombyHawk Infinity-lu pilersaarusiorluakkamik suleqatigiilerput, norgemi aningaasaliinissamut piginneqatigiiffik suliffeqarfiit software-nik aammalu IT-mik sulialinnik misilittagaqarluartut.
Suleqatigiinnerup teknologip iluani aningaasaliinissatsinnut, sullissinitta ineriartortinnissaanut, Kalaallit Nunaanni Danmarkimilu ineriartornissatsinnullu periarfissiivoq.
Suleqatigiilernerup ulluinnarni ingerlatsinerput sullitatsinnulluunniit atassuteqarnerput allannguiffiginavianngilaa:
Kivitseqatigiinneruvoq suleqatigiit tamarmik imminnut tuniseqatigiittut. Hawk Infinity-p siunissaq ungasinneq eqqarsaatigalugu periuseqarput, allanngujaassuseq, ineriartorneq pitsaassuserlu qitiutinneqarlutik.
Aallaqqaammulli anguniagaraarput sullitagut atassuteqarluarfigalugillu siunissaq ungasinnerusoq eqqarsaatigalugu atassuteqarfigissallugit. Iluatsissappat neriorsuutigut tunniussinnaasariaqarpagut. Taassuma saniatigut aamma sullitatsitulli ineriartortuarsinnaanissaq piumasaqaataavoq.
Taamaammat immitsinnut malinnaaffigiuarpugut suliatta anguniakkatsinnut ataqatigiittuarnissaat qulakkeerusullugu. Pitsaanerusumik tunniussinissaq tunngavigaarput. 2011-mi ITIL tunngavigalugu sulineq aaliangiupparput ulluinnarni sullissinitta pitsaassusaa qulakkeerumallugu. 2017-mi sullissinerput aamma allannguiffigivarput, tassanimi Managed Services aallarnerparput. Taamaasiornitsinni ajornartorsiutaasinnaasut pinnginnerini aaqqiiveqarsinnaaneq pilersinneqarpoq.
Kalaallit Nunaanni maannalu aamma Danmarkimi sullitatta akornanni atuisut 6.000-it sinnerpaat, taamaammat ulluinnarni sullissinitsinni assigiimmik tunngaveqarnissaq pisariaqarpoq tunniussatta pitsaassusaa qulakkeerumallugu – tamarmik sullissinitsinni tamanut iluaqutissaalluartut unammillertsitsisutsinnullu naleqqiulluta pitsaanerulersitsisut.
Sullitatta suliffimminni sakkussanik tuniniaallutalu sullissisuugatta tatiginassuseq uagutsinnut pingaaruteqarpoq. Akisussaaffik pisariaqartup tigunissaa tunngaviuvoq taamaasillutami sullitatsinnit tatigineqarnissaq pilersissavarput. Neriorsuutigut eqquutsittuaannarpagut.
“Pitsaassuseq” Comby-mi sullitatsinnut ilisarnaataassaaq. Sullitatta kissaatigisaannik pisariaqartitaannillu iluarsiissutaasunik tuniniaasinnaaneq ilisarnaatigerusupparput. Sullitatsinnut ajoqutaanngitsumik piffissarititaasumilu tunniunneqartumik.
“Pimoorussineq” Comby-mi oqaasiuvoq paasinnissutissaq. Suliavut inuussutigaavut pimoorullugit, suliallu ajunnginnerpaamik naammassinissaat tulluusimaarutigalugit. Nammaqatigiilluta sulisarpugut, angisuut mikisullu, ataasiinnaq anguniarlugu.
Ataqqinninneq” tassa sullitatta niuertarfiannut ataqqinninneq qanorlu tassunga paasinnittaaseqarnerannut ataqqinninneq. Suleqatinut, pinngortitamut, inuiaqatigiinnut, inoqatinut pingaartitaannullu ataqqinninneq.
Suliffeqarfittut IT-lerisuusutut nalimik pilersitsisuunerpaajorusuppugut.
Sullitatta suliffeqarfimminnut ukkatarinninnissaat ajornannginnerulersipparput.
Comby-mut IT atortunut teknologimullu tunngaannanngilaq, inunnulli pitsaasumik, allanngujaatsumik isumannaatsumillu ajornartorsiutitaqanngitsumik sulisinnaanermut. Taamaammat periuserput ajornanngitsunnguuvoq: service is a priority.
IT-p ingerlanneranut akisussaaffik tamakkiisumik tiguarput sullitatta pikkoriffitik aallussinnaaniassammatigit.
Tamanna isumaqarpoq:
Ingerlatsineq, sullissineq, isumannaassuseq, cloud attaveqarfiillu sullissinerivagut – ulluinnaap ingerlalluarnissaanik pilersitsisut. Aaqqissuussimanerit angisuut suliffeqarfiilluunniit minnerit ikiorutsigit suleriuserput assigiippoq:
IT allanngujuitsoq. Attaveqaqatigiinneq ersarissoq. Sullissilluarneq.
Siunnersortigut ikiuinissaminnut piareersimapput – siunnersorneqarusukkuit sullinneqarnissalluunniit pisariaqartikkukku saaffigitigut ingerlariaqqinnissannut ikiussavatsigit.