Suleqatissatsialannik suliffeqarfimmillu eqqortunik naleqartitsisumik ujarlerpit?

Qulequttami eqqaaneqartuni imminut takusinnaaguit Comby-imi suleqataanissamut piumasaqaatit siulliit taava eqquutsippatit.

Comby projektassistent-imik aaqqissuillaqqittumik ujarlerpoq

Comby A/S Kalaallit Nunaanni suliffeqarfinni IT-lerisuni annerpaat ilaraat Nuummiillu siulersorneqarluni. Comby suliffeqarfinnut oqartussaasunilu IT iluani tunisassiaateqarpoq.

Projektassistent-itut sulininni allanngorartunik suliaqarnissat qilanaarisinnaavat, projektini pappilissat ineriartortinneraniit nutarternissaanut, immikkoortortaqarfimmi suliassat pilersaarusiorneranut kiisalu sullitatsinni nunarput tamakkerlugu sumiiffilinni projektit suliarinerani peqataanermut suliassat nikerartigissapput.

Ilinniarsimaninnut tunuliaquttat aaliangiisuunavianngilaq, naatsorsuutigaarpulli allaffimmi suleqataanissat ilisimasaqarfigigit suliassannullu tunniusimalluartuunissat. Projektinik suliaqarnermik misilittagaqareeruit iluaqutaassaaq, ilinniarusunnerilli aamma taamatulli iluaqutaatigissaaq.

Ukua ilisarisinnaavatit:

  • Aaqqissuillaqqinneq, pilersaarusiorsinnaaneq, tunniusimaneq malittareqqiinerlu pikkoriffigaatit
  • Qiimasuuvutit, namminersortoq uummaarissorlu
  • IPMA, Prince2, MSP, PMI assinganilluunniit pikkorissarsimaneq iluaqutaassaaq piumasaqaataanngilarli
  • Qaffasissutsit assigiinngitsuni atassuteqarsinnaavutit ittuunersaniit teknikkerinut, kalaallisut qallunaatullu oqallorillutillu allassinnaavutit
  • Pikkorissarusussuseqarputit suliavillu iluani pissutsini periutsinilu malinnaasuullutit
  • Proces-it periaasillu iluani sungiussiasuuvutit suleqatitillu sullitat sulialluunniit pillugu tulluarsarluarsinnaallutit

Nuummi allaffitsinni ulluinnarni allaffeqassaatit naatsorsuutigisinnaassallugulu projektit pillugit angalasaqattaassallutit.

Qulaani allassimasut soqutiginnilersissimappatsit qinnuteqaatit CV-llu piaartumik hr@comby.gl -imut nassiuguk – apeqqutissaqaruit tikilluaqqusaavutit Jesper Ladegaard saaffigissallugu oqarasuaatikkut uunga: +299 55 45 46 e-mailikkulluunniit uunga: jel@comby.gl