IT-supporterimut ilinniarneq

Nunatsinni suliffeqarfittut akisussaaffipput pingaartipparput. Taamaattumik ilinniareersimasuinnarnik sulisoqaannarnata uagut aamma nammineq siunissami piukkunnarsarluarsimasunik qarasaasialerisunik ilinniartitsisarpugut praktikkertuuteqartarnikkut.

Ajornartorsiutinik aaqqiillaqqippit aammalu hardware software-llu ilisimasaqarfigaagit? Immaqaluunniit inuit ilinnukartarpat qarasaasiamik ajornartorsioraangamik? Taava IT-supporteritut ilinniarneq aallartiguk.

IT-supporteritut ilinniarneq

IT-supporteri datafagteknikkerimut immikkut sammisani tunngaviusut ingerlattarpaat siunissamilu ikkussuussinerit, nutarterinerit qarasaasiat netværk-illu aserfallatsaaliuinernik suliaqartussaalluni. IT-supporteritut ilinniarninni taamaammat IT iluani assigiinngitsorpassuarnik ilisimasaqalissaatit ajoqutinik systemillu assigiinngitsut qanoq ataqatigiinnerannik takunnissinnaalerlutit.

Ilinniarnermi data og kommunikation aallartiffiussaaq. Grundforløb 1-i sapaatip akunnerinik 20-nik sivisussuseqarpoq, grundforløb 2-milu ilinniarnivit sammivissaa aaliangissavat. Qallunaat nunaanni ilinniarneq ingerlavoq ilinniarfimmilu tiguneqaqqaarsimassaatit praktikkerneq aallartissinnaanngorniarukku. Ilinniarneq atuarnermik praktikkernermillu paarlakaattumik imaqarpoq ilinniarnerlu ukiuni marlunnik affarmillu sivisussuseqarpoq. Ilinniarneq misilitsinnermik naammassissavat.

Suliaqarfik

IT-supporteritut qarasaasiat netværkillu ikkussuunneri, nutarterneri aserfallatsaaliuineri, ajornartorsiutinik ujaasineq, qarasaasianik aaqqissuussineq IT-anlæginillu suliaqassaatit.

IT-supporteritut suliffeqarfinni assigiinngitsorpassuarni IT-mik atuiffiusuni sulisinnaavutit.

Ilinniaqqikkusukkuit datateknikkerimut ilinniaqqissinnaavutit infrastruktur programmeringiluunniit immikkut sammisaqarfigalugit, datamatikerimut IT- aamma elektroteknologimut diplomingeniørimulluunniit ilinniaqqillutit.

Piumasaqaatit

Meeqqat atuarfianni 10. klassemi qallunaatuumi minnerpaamik D, matematikkimi minnerpaamik C tuluttuumilu minnerpaamik D assigisaanilluunniit.

Hovedforløb-imut grundforløb ingerlanerani qallunaatut E, matematikkimi E tuluttuumilu E angusaqarfigisimassavatit hovedforløbimi sammineqaqqissammata.

Qinnuteqarit

Soqutiginnippit piumasaqaatillu angusiffigigukkit taava praktikkernissannut qinnuteqaatit uagutsinnut nassiuguk. Praktikkerfissat isumannaareerpat Jern & Metalip ilinniarnissannut qinnuteqaatit Danmarkimi atuarfimmut nassiuteqqissavaat ilinniarnerit aallartissinnaalerniassavat. Ukiukkut aasakkullu ilinniarnerit aallartittarput ilinniarnerillu aallartitsinnagu praktikkernerit aallartissinnaavat.

Qinnuteqaativit tigunissaa qilanaaraarput.