IT-p iluani sulialimmik suliffeqarfik Comby A/S Nuummi Slagelsemilu ingerlatsisunik suliffeqarfilik suliffeqarfiup ilusilersornera allanngortippaa alliartornerunissamut piareersaatitut. Angusaqarluarusussuseq annertooq tunngavigalugu suliffeqarfissuaq immikkoortortalik eqaallisarlugulu sungiussiassuseq annertusinneqarpoq.

Comby danmarkimi tuniniaavimmi nutaajugaluartoq Coronalu peqqutaalluni sullitat nutaat ataatsimeeqatigisarnissai ajornakusooraluartoq ITBC – IT Business Center novembari 2020-mi pisiortornerani tunngavimmik nukittuumik pilersitsivoq taamaasillutalu alliartornissamut pilersaarutigut angusinnaasimavagut.  “Piginnaasatta atorluarnerpaanissaat angorusullugu Danmarkimi Kalaallit Nunaannilu suleqatigiinneq pitsaanerpaamik ingerlassaaq. Inatsisilerinermullu sananeqaatitaarput nutaaq atorlugu suleqatigiilluarnerulernissaq periarfissaqarnerulerpoq” Stefan Boel, Comby Denmark A/S-imi pisortaq taamak oqarpoq.

Comby Danmarkimi tigulluarneqaqaaq, sulinialernernillu pissanganartorpassuarnik suliaqarpugut. ”Suliattali pingaarnersaat suli tassaassapput suliffeqarfinnut IT iluani annertuumik pitsaassusilimmik sullissineq, taamaammat IT-mik ingerlatsinerup iluani pikkoriffigut suli ukkatarissavagut” Brian Torp, Comby A/S-imi pisortaq taamak oqarpoq. 

Kalaallit Nunaanni ingerlatsisumik suliffeqarfik Comby Greenland A/S-imik ateqalerpoq, ukiut 20-it kingulliit IT iluani inernernik annertuumik pitsaassusilimmik Kalaallit Nunaanni inuussutissarsiornermut tunniussisuusoq. Qallunaat nunaanni nunatsinnilu suleqatigiinneq imaannaanngitsunik periarfissaqalersitsivoq. ”Kalaallit Nunaat Danmarkillu akornani akunnernik sisamanik nikinganeq peqqutaalluni danmarkimi nal. 8-niit nunatsinni nal. 16. tungaanut sullitatsinnut tamanut sullissisinnaalerpugut” pisortaq Stefan Boel oqarpoq nangillunilu ”Angerlarsimaffimmiit sulinerulerneq piffissallu suliffiit nikerartut atorneqarnerulernerini nal. 8 aammalu nal. 16 akornaniinnaanngitsoq IT-mik ikiorneqarnissaq atorfissaqalernikuuvoq. Comby sullissisoralugu akissutissat ikiorneqarnissarlu danmarkimi nal. 20 tungaanut periarfissaalerpoq.”

Nunat killii ikaarlugit periarfissat atorluarneqarnerini sullitat iluarisimaarinninnerat annertunerulissaaq. Pikkorissutsit allagartallu pigisat atorluarnerulernissaannuttaaq periarfissiivoq. ”Suliffeqarfiit ilusilersornerat nutaaq atorlugu piginnaasagut annertusingaatsiarput suliffeqarfissuullu immikkoortortallip iluani sulisut pikkoreqisut 45-t atorlugit sullissinitsinni 

Pitsaanerulerpugut” Ingerlatseqatigiiffiup qullersaqarfippiaanipisortaaneq Brian Torp oqarpoq. ”Suliffeqarfissuaq immikkoortortalimmut piginnaasatta katersornerani angissuserisarput atorlualissavarput, tamannalu alliartornersuatsinnut periarfissiisutut tunngaviuvoq”